Cosain
Athchóirigh
Cothaigh

Le chéile

Tá tionscadal LIFE LMC Éireann dírithe ar an líonra Éireannach de Limistéir Mhuirí faoi Chosaint (LMCanna) a leathnú go suntasach chun sprioc 30% de chlúdach an limistéir mhuirí a bhaint amach faoi 2030.

Is é an phríomhsprioc atá aige ná cur go mór le héiceachórais mhuirí na hÉireann a chosaint, a chaomhnú agus cabhrú lena n-athshlánú agus ar an gcaoi sin tacú le Dea-Stádas Comhshaoil a bhaint amach inár dtimpeallacht mhuirí.

Go hoibríochtúil, scrúdóidh agus forbróidh an tionscadal bearta caomhnaithe limistéarbhunaithe do raon leathan speiceas, gnáthóg leochaileacha agus gnéithe íogaire eile a dteastaíonn cosaint uathu bunaithe ar eolas reatha agus ar fhianaise eolaíoch.

Déanfar na bearta seo i bhfoirm LMCanna, mar aon lena gcuspóirí caomhnaithe agus a bpleananna bainistíochta, a fhorbairt agus a chur i bhfeidhm le rannpháirtíocht ghníomhach na bpáirtithe leasmhara agus na saoránach. Cinnteoidh sé seo próiseas láidir agus fiúntach chun LMCanna a ainmniú agus a bhainistiú in Éirinn.

Tá tionscadal LIFE LMC le bheith ar siúl ar feadh naoi mbliana suas go dtí 2033, agus is comhpháirtíocht é idir an Roinn Tithíochta, Rialtais Áitiúil agus Oidhreachta, an Coláiste Ollscoile, Baile Átha Cliath, Coláiste na hOllscoile, Corcaigh agus Ollscoil na Gaillimhe.

Tá an tionscadal comh-mhaoinithe ag an Roinn Tithíochta, Rialtais Áitiúil agus Oidhreachta agus clár LIFE an Aontais Eorpaigh.